KUWA NA USHIRIKA KAMA MTENDE

KUWA NA USHIRIKA  KAMA   MTENDE

“Miti ya Mitende huwa pamoja  katika kundi na hufanya chemchemi jangwani  na  kutoa kivuli kinachofaidisha viumbe vingine”.

M

iti ya mitende ina sifa ya kuwa pamoja,Miti mmoja wa mtende ukiwa pekee yake hauwezi kutoa kivuli cha kutosha na kujikinga na jua kali la jangwani. Kundi la miti ya Mitende  iliyo pamoja hufanya chemichemi Jangwani.(Oasis).Mara nyingi mitende huwa pamajo na Kundi la mti ya mitendi hufanya chemichemi inayofaidisha miti mingine tofauti nayo.

KWELI YA KIROHO

Kama vile ambavyo miti ya mitende ilivyo na tabia ya kukaa pamoja na kufanyika baraka,Kadharika wenye haki nao wanapaswa  kuwa na umoja na ushirika kati yao ambao utakuwa chemichemi ya Baraka kwao na kwa  watu wengine. 

Baraka Za Kuwa  Katika pamoja katika   Ushirika

Kutoka kwa Mtende tunajifunza vile ambavyo wenye haki wanaweza kustawi  kwa kukaa na kusimama pamoja. Agano jipya linafundisha umuhimu wa Waamini ambao ndio “wenye haki” katika Kristo kuwa na ushirika na kukaa pamoja. Kuna faida nyingi sana za kukaa na kusimama pamoja kwa wenye haki.Hapa ni baadhi

1. 1.Katika Ushirika Tunafanyika  Baraka Kwa Wengine

Mitende inapokuwa pamoja kwa wingi mahali hutengeneza  chemichemi ambayo huitwa Oasis .Lakini pia kuwa pamoja kwa miti ya mitende hutoa kivuli amabacho pia husaidia wasafiri wanaochoka jangwani na wakaweza kupumzika na joto kali la jangwani.

Tunajifunza kuwa ushirika wa wenye haki unaweza kuwa baraka sio kwao tu  bali hata kwa watu wengine.Wanaweza kufanyika faraja na masaada kwa watu wengi katika jamii.Umoja na ushirika wao unaweza kuigusa jamii  inayowazunguka kiroho na kimwili.

1. 2.Katika Ushirika Walio Dhaifu Wanainuliwa.

Mara nyingi jangwani unaweza kuikuta miti ya machungwa na malimau yaliyokua chini ya vivuli vya mitende.Hapa tunajifunza vile ambavyo wenye haki wanapokuwa pamoja kama kundi katika kanisa wanatoa kivuli na kuwafunika wale waliodhaifu kuliko wao.Ndio maana ni muhimu kuwa pamoja.

Paulo  anafundisha  hivyo  katika Warumi 15:1-2 Kwa kusema, “Sisi tulio na nguvu, hatuna budi kuchukuliana na kushindwa  kwa wale waliodhaifu wala sikujipendeza nafsi zetu wenyewe.Kila mmoja wetu inampasa kumpendeza jirani yake kwa mambo mema,”

Maandiko katika Waebrani 10:24-25, yanatufundisha hivi, “Tuangaliane na kuhimizana sisi kwa sisi katika upendo na katika kutendamema. Wala tusiache kukutana pamoja, kama wengine walivyo na desturi ya kukutana, tuhimizane sisi kwa sisi kadri tuonavyo siku ile inakaribia.”

1. 3.Katika Ushirika Hatuwi Kikwazo Kwa Wengine

Mti wa mtende  unanazo tabia zinazofaa kwa mwenye haki.Katika miti yote ya pori mti wa mtende ndio unaotoa kivuli kidogo zaidi.Kivuli chake hakiingili ukuaji wa mti mingine jirani yake na kuwa kikwazo cha kupata mvua na mwangaza wa jua.Vivyo hivyo watu wa Bwana ,wenye haki hawazui ukuaji na mafanikio ya wengine kwa kuwazuia mvua ya kweli na utukufu wa mwangaza Mungu kuwaangukia wao.Wanafanya kila wawezalo kuwasaidia wengine kushiriki Baraka za maisha.

1. 4. Katika Ushirika Tunajenga Mahusiano Ya Kiroho Na Wengine.

Wenye haki wanahitaji mahusiano ili kukua. Hatuwezi kukua nje ya wengine. Tunakua katika dhana ya ushirika. Jambo hili tunalikuta tena na tena katika Agano Jipya. (Waebrania10:24-25)

Kukua kiroho si suala binafsi na kipekee lina hitaji mahusiano na ushirika na wengine.Mafundisho ya kiroho yanakuwa yanalenga umimi nakulenga mtu binafsi bila kulenga mahusiano yetu na wengine si ya kibiblia na yanadharau sehemu kubwa ya Agano Jipya.

Mungu ametukusudia sisi tukue katika familia. mawasiliano ni “gundi” ambayo inawaunganisha watu waaminio. Lakini pia mahusiano hufanya kazi nyingine ya muhimu zaidi ya kuwasogeza watu katika kukomaa .

1. 5.Katika Ushirika Tunatimiza Amri Ya Kristo Ya Kupendana

 Mahusiano ni muhimu sana kwaajili ya kukua kiroho. Biblia hufundisha kwamba ushirika sio suala la uchaguzi kwa Mwenye haki. Ni suala la amri. Wenye haki ambao hawaunganiki katika mahusiano ya upendo na waamini wengine wanavunja “amri nyingine” ambayo imetolewa na Neno la Mungu.

Yohana anatuambia kwamba uthibitisho ya kuwa tunatembea nuruni ni kule“kushirikiana sisi kwa sisi” (1Yohana 1:7) kama huna ushirika wa mara kwa mara na waumini wenzako ni lazima ujiulize kwa umakini kama kweli unatembea nuruni au vipi.Yohana anaendelea kusema kuwa tunalazimika kujiuliza kama kweli tumeokoka ikiwa hatuwapendi waumini wengine.

1Yohana 3:14

“Sisi tunajua ya kuwa tumepita toka mautini kuingia uzimani, kwa maana twawapenda ndugu yeye asiyependa akaa katika mauti”

Kiwango cha upendo wetu kwa Kristo unaweza kuonekana katika kiwango cha upendo wetu kwa waumini wenzetu.Yohana anasema hivi, “Kwa kuwa mtu asiyempenda jirani yake, ambaye Amemwona, hawezi kumpenda Mungu ambaye hajamwona ”(1Yoh 4:20).

 Tambua kwamba Yohana anasema “Hawezi”. Haiwezekani kumpenda Mungu kama huwapendi watoto wake.Yesu pia alifundisha kwamba kama uko nje ya ushirika na ndugu yako, ibada yako haina thamani. Mkristo hawezi kuwa na ushirika na Mungu na wakati huohuo akawa hana ushirika na waamini wengine.

Meinrald Anthony Mtitu.