USIKATE TAMAA,MUUJIZA WAKO UPO KARIBU.

USIKATE TAMAA,MUUJIZA WAKO UPO 

KARIBU 

     

Mara nyingi tunapokutana na changamoto za maisha huwa mapema sana tuna simama na kuacha kuendelea mbele.Tunakata tamaa mapema mno, tunavunjika moyo mapema mno,tuna salimu amri mapema mno kwa mazingira na hali yetu wakati kumbe Muujiza na ushindi wetu upo karibu tu mbele yetu.

KUTOKA 15:27

Kisha wakafika Elimu, mahali palipokuwa na chemchemi kumi na mbili na miti sabini ya mitende, wakapiga kambi huko karibu na maji.

Wana wa Israeli baada ya kutoka Mara mahali  palipo kuwa na maji machungu na waka vunjika moyo sana na kukata tamaa  hatimaye wakafika mahali kwenye chemichemi za mitende palipo itwa Elimu.Hapa palikuwa ni mahali pa muujiza wao baada ya kuwa katika hali ngumu ya kukosa maji.

Elim hapa mahali palikuwa na chemichemi kumi na mbili na mitende sabini.Ni mahali pa zuri pa kuwaburudisha baada ya kupitia hali ya kukuakiwa na kiu ya maji.Hatimaye sasa wamefika  Sinai ,katikati ya Jangwa na kuna raha ,kuna chemichemi ,na kuna maji yote wanayohitaji.Huu ni muujiza mkubwa sana kwao.

Kuna swali la kujiuliza kwani kuna umbali gani toka Elim mpaka Mara? Ukiangalia ramani ya nchi takatifu na  kuangalia ilipo Mara na ilipo Elim,utaona ni kama Maili 5 tu sawa kilomita kama 8 tu.Yaani ni kuzunguka tu  kidogo kutoka walipokuwa Mara kwenye maji machungu na tayari mbele kidogo kuna mahali pana maji tele.Lakini bado walikuwa wana laumu,kulalamika , na kunungunika na walikuwa tayari kukataa tamaa.

Kuna somo kubwa sana hapa katika maisha yetu ya kila siku.Hatu takiwa kukata tamaa mapema,kwani wakati mwingine muujiza wetu unakuwa ni karibu mno kuliko tunavyofikiria. Kumbe kuna wakati‘Elim yetu’ mahali ambapo matumaini  yapo ni maili tano tu mbele,ni ni kuzunguka kidogo tu na kupafikia.Kwa kukataa tamaa na kusalimu amri tunaweza kuukosa muujiza wetu ambao tulikuwa tumeukalibia sana.

Hii inakumbusha hadhithi  ya kweli iliyotokea  miaka kadhaa iliyopita pale ndege ilipoanguka katika maeneo ya Andes, ambapo watu waliosalimika baada ya kukaa kwa muda bila chakula  waliamua kuanza  kulana nyama wao kwa wao na kufa.Kumbe  nyuma tu ya mlima  ya Andes waliopokuwepo  kulikuwa na kituo  kikubwa cha mchezo wa kuteleza katika barafu mahali ambapo wangeweza pata msaada na chakula.Kwa kuwa hawakufikiria kama wangeweza kupata masaada na wakakata tamaa  hivyo walikaa kwenye ndege pale walipo na kuishia kulana na kufa.

Katika maisha haijalishi tunakabiliwa na changamoto gani tusiwe wepesi  kukata tamaa.Mara nyingi ushindi katika michezo hupatikana katika sekunde mbili au tatu za mwishoni.Elim yako  haiku mbali,mahali ambapo majibu yako na matumaini yapo ni mbele tu kidogo.Mahali ambapo kuna mlango na mpenye wako ni karibu kuliko unavyo fikiri,Usikate tamaa.Usiache endelea kusonga mbele lipo tumaini.

Unawezaje kufika Elim kutoka Mara? Unawezaje kutoka mahali pa kuvunjika moyo na kwenda mahali pa matumaini na kufurahia? Kuna jibu moja tu.Kufika hapo  endelea kwenda ,endelea kwenda mbele.Endelea kumtumaini Mungu.Angalia maandiko hayasemi kwamba ni Mungu aliwaletea Elim pale walipokuwa.Hakufanya hivyo ,wao ndio walio paswa kwenda mbele mpaka wafike Elim.

Njia moja pekee ya kutoka  mahali pa kuvunjika moyo na kwenda mahali pa matumaini na furaha ni kuendelea kwenda  mbele tu.

Elimu ilikuwa maili 5 tu mbele.Lakini walitakiwa kuifikia kwa kuendelea kwenda bila kujali hisia zao,ingawa walikuwa na maumivu moyoni, ingawa walikuwa wamevunjika moyo na kukata tamaa.Njia pekee ya kutoka Mara kwenda Elim ni kuendelea kwenda.Njia pekee ya kutoka kwenye kuvunjika moyo na kukata tamaa na kwenda kwenye furaha  ni kuendelea  kwenda.Endele kwenda mbele.

Kuna wakati fulani hujisikia kuomba kabisa,hujisikia kuendelelea kutumaini,hujisikii kabisa kutoa wala kutumika na pengine hujisikia kabisa hata kuabudu.Ufanyaje katika hali hiyo,jibu ni endelea kuomba hata kama hujisikii,endelea kutumaini  ,endelea kutumika,endelea kutoa hata kama hujisikii,endelea kufanya yale unayoyafanya.Usiache na kukata tamaa na kufia jangawani.

 Kuna wakati husiki kabisa moyo wako upo kwenye hilo jambo, Unapoteza moyo wako katika jambo hilo.Je,ufanyaje? Endele kwenda mbele.Tunashushwa mioyo mara nyingi na mambo mbalimbali,lakini Neno la Mungu linatuambia tusivunjike na kushushwa mioyo tuendelee mbele.

 Pengine hujisikii kuendelea na hiyo kazi unayoifanya na unatamani ubaki nyumbani tu na kuangalia Tv. Au kulala tu siku nzima,Haijalishi unajisikiaje endelea na kazi.  Nenda kazini usibaki nyumbani.

Ni watu wasiokomaa ndio wanao ishi kwa kufuata vile wanavyojisikia yaani hisia zao.Watu waliokomaa wanaishi kwa kufuata kujitoa kwao kuliko hisia zao.Wanaendelea kutumika ,sio kwasababu wanajisikia vizuri bali kwasababu kutumika ni jambo jema kufanya.Na wanaendelea vema.

Meinrald A. Mtitu