Usikate Tamaa,Chagua Kubakia na Matumaini

 

Usikate Tamaa ,Chagua Kubakia Na   Matumaini

“Kukata tamaa kuna kula shimo katika mioyo yetu.Kunatufanya tutamani  kukimbia, na Kunajaribiwa kufanya mambo ambayo  hatupaswi kufanya”.

Kadiri unavyoishi miaka mingi utakubaliana nami kwamba Maisha ni mchanganyiko wa maumivu na raha,ushindi na kushindwa,mafanikio na kutofaulu,kuwa juu ya mlima na kuwa chini bondeni. Kama watu wengine wote,Walio mwamini Yesu Kristo  nao wanapita katika matatizo mbalimbali maana nao bado wanaishi katika ulimwengu huu huu ulioanguka.

Wakristo wanavunjika moyo,Wanakata tamaa,wanaugua ,Lakini pia wana matatizo ya kifamilia,matatzio ya kifedha n.k kama watu wengine. Lakini kuna tofauti na tofauti hiyo ni kubwa.Wakati Wakristo na wasio wakristo wanapitia katika changamoto zilezile za maisha ,tofauti ni kwamba Wakristo  wao wanalo tumaini kwamba Mungu yupo pamoja nao.Sisi Tulio mwamini Yesu Kristo tuna uhakikisho kwamba kwa kadiri ambavyo Yesu yupo nasi,sisi ni zaidi ya washindi.Yesu ni tumaini letu.Yeye ni zawadi ya Mungu ya neema kwetu.

Kuwa  na Matumaini  katika nyakati ngumu ni Uchaguzi ambao kila mtu anaweza kuufanya

Kila mmoja anauwezo wa kuchagua kuwa na matumaini.Inahitaji ujasiri kwasababu matumaini yanaweza kukuvunja moyo na kukuangusha. Biblia inasema hivi katika  Mithali. “Kile kitarajiwacho kikichelewa Moyo/Nafsi huumia’.

Pamoja na hayo bado na shawishika kwamba ule ujasiri wa kuchagua matumaini siku zote huwa unalipa.Ni bora mara elfu nyingi kuchagua kuwa na matumaini kuliko kutokuwa na matumaini yeyote.

Kama umevunjika moyo ni kwa sababu ya uchaguzi wako,ni wewe umeamua kuvunjika moyo, kwasababu kuvunjika moyo ni uchaguzi.Huna sababu ya kuamua kuvunjika moyo,lakini ni wewe unayeamua kuchagua mawazo ya kuvunjika moyo.

Ni wewe unachagua kuangalia hasi,ni wewe unaye chagua kuto mwangalia Kristo na mambo yote mazuri,na unaangalia mabaya.Huu in uchaguzi na unaweza kuubadilisha.Ndio maana ,Mungu anakutaka uchague kwa hiari na kutenda.

Unaweza kujiuliza Ninawaje kuchagua kutokuvunjika moyo? Ni kwa kuweka mtazamo wako na kukaza kuangalia Katika Nguvu za  Mungu kuliko katika matatizo yako.Unaweza kuwachukua watu wawili  na kuwaweka katika hali inayofanana  ya machafuko, mgogoro,na ugumu.Lakini mmoja wao atapeperushwa na hali hiyo,wakati mwingine atafanya imara,mwingine ataanguka, na mwingine ata imarishwa kupitia hali hiyo hiyo moja,

Tofauti ni wapi mkazo wa mtazamo wao ulikuwa.Hupaswi kukaza kutazama mazingira yako,bali kukaza kumtazama Kristo.Siyo kutazama  hali yako,lakini kumtazama Mwokozi,siyo Matatizo yako,lakini Nguvu za Mungu.

WAKOLOSAI 1:11

"Mungu akiwatia nguvu ninyi kwa Nguvu zake mwenyewe ili kwamba msikate tamaa wakati matatizo yanapo wajia bali muwe na saburi/uvumilivu.

Nguvu za kibinadamu huwa zinaisha.Baada ya kupitia jaribu kwa muda fulani,unajikuta huna nguvu zilizobakia.Uvumulivu wa kibinadamu una kikomo,huwa unafika mahali unaisha.Unapofika katika hali kama hiyo hapo sasa unahitaji chanzo cha nguvu kilicho kikubwa kuliko wewe!

 Unapokuwa katika kukata tamaa na vile maisha yalivyo,Kama unafikiri utaweza kupita katika hali hiyo kwa nguvu zako mwenyewe sahau,huwezi.Huna nguvu za kutosha kushughulika na mambo ambayo utakumbana nayo katika maisha.Unahitaji kujichomeka kwenye chanzo cha Nguvu  kilicho kikubwa zaidi yako mawenyewe na chanzo hicho ni Mungu mwenyewe.