KUSTAWI KAMA MTENDE

KUSTAWI KAMA MTENDE.

“Mtende huwa kijani kibichi wakati wote na wenye utomvu hii ni alama ya Neema, ustawi,mafanikio na afya”

ZABURI 92:14b

Watajaa utomvu, watakuwa na ubichi.

M

tende ni mti wenye upekee wake. Ni mti wenye ukijani kibichi  wakati wote wa Mwaka.Wakati miti mingine ya kawaida si ya kijani kibichi wakati wote wa mwaka,Mingi hunyauka na kupukutisha majani na wa kwa miezi tisa huonekana kama vile  imekufa ,haina ukuaji wala mafanikio lakini sio Mtende .  

   

Mtende ni mti wa kijani kibichi wakati wote na uliyo jaa utomvu. Mtende huwa kijani kibichi wakati wote na wenye utomvu hii ni alama ya Neema, ustawi,mafanikio na afya tele. 

Tafsiri za kiingereza zimetumia neno mafuta (fatness) zikielezea utomvu.Hivyo utomvi unawakilisha wazo la utajiri na mali na mafanikio.Neno hili utomvu linatokana na neno la kiebrania “dashen” ambalo lilitumika kuelezea mafuta ya wanyama.Hivyo neno hili linazungumza kukubalika mbele za Mungu kama ambavyo sadaka ya mafuta ya mnyama ilivyookuwa inakubalika.

Neno kustawahi limetajwa mara tatu katika mistari hii 12-13,Maneno haya katika Kiingereza na Kiswahili ni kama neno moja lakini katika kiebrania ni maneno tofatuti.Neno la kwanza ni Parach lina maana ya ukuaji wa mara moja ( Spontaneius growth), inazungumzia juu ya kitu si kilichotokeza,lakini kilicho chanua mara moja. Hapa kuchanua mara ndio kuliko tafsiriwa “kustawi” au “flourish”.Mstari wa 14 neno la kiebrania linalotumika kutafsiri kustawahi (flourishing), ni tofauti lina maana ya“ ukuaji Endelevu”.Siyo kitu fulani kina chomoza juu kwa mara moja na kufa usiku mmoja,lakini ni kitu kinacho chomoza na kipo tele na kina endelea na kuendelea.

KWELI YA KIROHO

kama vile Mtende unavyostawi na kufanikiwa  kwa kuwa kijani kibichi na wenye utomvu wakati wote ndivyo vile Mwenye haki  naye anapaswa kuwa na maisha ya  kustawi na kufanikiwa.

Mungu anataka watu wake wawe na uhai wa kiroho na ustawi katika muda wetu wa kuwepo duniani.Anatutaka tuwe kama Mtende, tuwe wakijani kibichi,tukionyesha alama ya uzima na tukiwa na mafanikio katika wakati wote wa kuhusiana kwetu na Mungu mwenyenzi na maisha yetu ya kiroho  ndani ya Kristo Yesu.

Maana ya mafanikio

 Mafanikio ni neno maarufu sana leo ndani na nje ya kanisa,lakini ni  moja ya neno lenye kutumiwa vibaya na kueleweka vibaya zaidi. Mwenye haki anategemewa kuwa na mafanikio Kiroho na Kimwili pia.Ndani ya Kristo kuna utajiri wa baraka za rohoni na mwili,ndani ya Kristo kuna  utajari wa uzima.Paulo anaeleza juu ya utajiri uliopo ndani ya Kristo.

 Na Mungu wangu atawajazeni kila mnachokihitaji kwa kadiri ya utajiri wake, katika utukufu, ndani ya Kristo Yesu.

 Mafanikio sio kuwa na fedha tu au mali nyingi,kama ambavyo wengi wanatafsiri. Pia utajiri ni zaidi ya kuwa na mali na vitu.Kwa mujibu wa kamusi ya Webster na tafsiri kadhaa zinazopatika katika kiyunani na kiebrani .Neno mafanikio lina maana pana,hapa ni baadhi ya mambo yanayobebwa na neno hili. 

• Mafanikio ni pamoja na kuwa na uwingi,kuwa juu na zaidi ya, kujaa.

• Mafanikio nikwenda mbele au kuongezeka katika kila kilicho chema au kinachotamanika 

• Mafanikio ni pamoja na kufunguliwa,kuwa na wokovu,kuwa na Amani.

• Mafanikio ni pamoja na kuwa na ziada na siyo kile cha kutosha tu. 

•  Mafanikio ni pamoja na kuendelea mbele katika biashara au shughuli fulani.

• Mafanikio ni kuwa kamili na kukamilikaMafanikio ni kuwa na bahati njema,kuwa na neema,Baraka,ustawi,mali

Mafanikio Ya Mwenye Haki

Yohana anazungumza kuhusu  kufanikiwa kwa Mtu wa Mungu.Mungu anataka sisi wenye haki  tufanikiwe katika roho,nafsi,Mwili na katika mambo yote mengineyo .

3 YOHANA 2:1-2

Mzee, kwa Gayo mpenzi, nimpendaye katika kweli. Mpenzi naomba ufanikiwe katika mambo yote na kuwa na afya yako, kama vile roho yako ifanikiwavyo. 

Yohana alimwombea Gayo kufanikiwa katika nafsi ,kufanikiwa katika vitu na katika afya,yaani mwili wake.Na inaoneka Gayo alikuwa tayari anafanikiwa vizuri katika nafsi /roho yake.

Mafanikio ya kiroho  kwa mwenye haki

Kwa mujibu wa mafundisho ya Yesu ni  mafanikio ya nafsi na roho ya mtu ni ya muhimu na ndiyo ya kupewa mkazo na kipaumbele cha kwanza.Yesu alisema hivi, “Itamfaidia nini mtu akiupata ulimwengu mzima kisha akaipoteza nafsi yake?”. Ni wazi alikuwa anamaanisha mafanikio ya nafsi na roho ni ya muhimu zaidi.

Mafanikio ya roho yako yanahusiana na mahusiano yako na Mungu. Mafanikio ya roho yana husiana na namna gani tuna utajiri katika uzoefu wetu na Mungu.Moja ya sehemu ya mafanikio ya kiroho ni pale tunapo ongeza maarifa yetu juu ya Mungu kama vile Mtume Petro anavyo shauri katika

2 Petro 3:18.
 “Lakini, kueni katika neema, na katika kumjua Bwana wetu na Mwokozi Yesu Kristo. Utukufu una yeye sasa na hata milele.”

Kama hatufanyiki zaidi kuwa kama Kristo,basi hatuwezi hatumpendezi Mungu.Kuwa kama Kristo ndilo lengo letu la kikomo kwa nafsi zetu.

Mafanikio ya roho ni kufuata maisha ya kuwa na haki ambayo inapatikana na kuhesabiwa ndani ya Kristo tu. Kama haufanikiwa katika nafsi yako na roho,basi mafanikio mengine yote ya vitu na mwili hayana maana sana

Mafanikio ya  Mwenye haki katika Mambo Mengine  yote

 Kuna mafanikio kwa mahitaji yako mbalimbali kutimizwa na kukidhiwa.Ni kimaandiko kila moja kujitahidi kuishi maisha ya kujitosheleza na kutowalemea wengine na hata kufanya Ukristo utazamwe kwa jicho baya na wale wasio amini( 1 Wathesalonike 4:11-12),

 Kwa mwenye haki kuwa na Mafanikio  katika mambo mengine  yasiyohusu     nafsi na roho Kuna kuja kwa kumtafuta Mungu kwanza.

 Mafanikio katika mambo yote yana husisha kazi,biashara,mali,vitu,n.k. Ni  ahadi ya Yesu katika Mathayo 6 :30-33 kama Tukitafuta kwanza ufalme wa Mungu haya mengine ambayo tunaya hitaji kama watu wengine wanavyohitaji tutazidishiwa. Mafanikio mengine ni pamoja na kuwa na afya njema.kutougua na kuwa mbali na magonjwa. 

            Mambo ya kufanya ili mwenye haki  aweze kufanikiwa

        1.      Tafuta kwanza haki yake Mungu kwa bidii

Neno haki lina maana ya kuwa kusimama sawa na Mungu.Kuwa na haki ni hari ya kiroho ya unyofu ambayo inaweza kufikiwa kwa kupitia kumwamini Yesu  na Mpango wa Mungu wa Wokovu.Kuwa Mwenye haki haina maana ya kwamba wewe ni makamilifu,lakini ina maana kwamba unafuata Njia za Mungu na unaamini katika Wokovu. Maana yake wakati wote unazitafuta njia za Mungu na kuziishi katika maisha yako mwenyewe.  

Katika Zaburi 37:25-26 Daudi anasema hajawahi kumwona mwenye haki ameachwa au wazao wake wakiomba chakula. Unapoenenda katika maisha ya haki,Mungu hawezi kukuacha,utabarikiwa na kustawi. Mungu atahakikisha anatimiza mahitaji yako ya msingi.

2.      Tembea  katika njia za Bwana na kuzifuata.

 Maelekezo ya Daudi kwa Solomoni wakati anakaribia kufa ilikuwa ni kama akitembea katika njia za Bwana basi atafanikiwa katika mambo yote atakayoyafanya.Mwenye haki anapofanya mambo ya kimungu na kufuata njia za Mungu  atafanikiwa katika kila analolifanya.

 I Wafalme  2:3

3.      Tembea katika haki na unyofu

 Mungu ni Jua na ngao.Kutembea katika haki katika njia ya Bwana  huruhusu Mungu kuangaza katika njia zetu kama Juan a kutukulinda kama ngao.Hii inamfanya yeye kuongeza neema kwako pale unapohitaji na inamfanya yeye kuleta vitu vyote vyema na vizuri katika njia yako. Zaburi 84:11-12

 4. Tambua  Baraka  zote zinatoka kwa Bwana na hazina majuto:

Bwana ni mtoa Baraka.Unapataje Baraka za Bwana juu yako,jibu ni kwa kufuata njia zake,kuwa na bidii,kumtafuta yeye , na kutafuta haki yake. Baraka zake zinakutajirisha kila eneo na anazitoa bure na kwa furaha kwako.Mithali 10:22

5         5. Tambua nguvu ya utajiri inatoka kwa Mungu

Mungu ana nguvu za utajiri na ndiye anayetoa au kutuoa nguvu hizo.Kumbuka utajiri wote unatoka kwa Mungu.Yeye hutoa nguvu za kuzalisha ,kutengeneza utajiri,uwe kidogo au mwingi.Tambua utajiri unapatikana wa Nguvu zake na sio kwa nguvu zako na hivyo ubakie mnyeynyekevu. Kumbukumbu la Torati 8:17-18

 

Utambuzi huu unamfanya Mungu akufungulie milango na kubariki kazi yako.Unapomtoa Mungu katika mahesabu unazizuia Baraka zake katika kazi yake yote haijalishi umeweka bidii kiasi gani,Hawezi kuzidisha isipokuwa umeanmini kwampo mwishowe vyote hutoka kwake.

6.      Fanya yote yaliyosawa  kwa moyo wako wote na kwa uaminifu

Hezekia alimtafuta Mungu na kufanya yaliyo mema na kumtumikia kwa moyo wake wote.Pale unapomtafuta Mungu katika kila hali na ukadumu katika uaminifu Mungu atasababisha ufanikiwe kwa namna ile ile.

2 Mambo ya Nyakati 31:20-21

7.      Furahia Neno la Mungu na kulitafakari wakati wote

Kushirikiana na waovu na kufuata mashauri yawasio haki ni mambo yatakayozuia Baraka za Mungu kukujia.Lakini unapouweka moyo wako na akili yako  wakati wote ikiwa imetunzwa na kuliwashwa,siku zote itakuwa na matunda na utafanikiwa kwasababu una yo ile Baraka ya Mungu juu yako. Zaburi 1:1-3

 Utakuwa na matunda kwa wakati wake.Hauta nyauka pale mambo yanapokuwa magumu katika msimu wa ukamae.Utafanikiwa katika kila ulifanyalo pale unapodumu kutafuta mambo ya Kiungu.

2 Mambo ya  Nyakati 26:5