PAMOJA NA YOTE, USIACHE KUMTUKUZA MUNGU

Haitajilishi nini unapitia  wewe Dumu Katika Kuabudu Na Kumsifu Mungu Kwa   Moyo Wako Wote.

Sifa ni moja ya silaha  katika ghala ya silaha za Mkristo ambayo Shetani hawezi kujilinda nayo.Tunapomsifu Mungu tunakiri kwamba Yeye ndiye anayetawala,anaweza kufanya kile anachotaka,wakati anaotaka na kwa namna anayotaka.

Kusifu ni zaidi ya kumkiri  Mungu kwa yale mema yanayotujia.Kusifu ni kupokea kutoka kwa Mungu  yote yanayotujia,mema na mabaya.Sifa tunazotoa pale mambo yanapoenda ndiyo siyo upande wetu zina thamani zaidi na nguvu kuliko zile sifa tunazozitoa wakati mambo yote kwetu ni mazuri.

YEREMIA. 20:13

 Mwimbieni BWANA! mpeni BWANA sifa! Huokoa uhai wa mhitaji kutoka mikononi mwa waovu.

Katika Maandiko haya Yeremia alikuwa katika wakati mgumu kabisa wa maisha yake lakini tunaona Kukata tamaa kwa Yeremia kuligeuka kuwa ni furaha.Hali yake ya kushindwa iligeuka kuwa ushindi,na kufadhaika kuwa ujasiri.Funguo inayofungua mlango wa ushindi ilikuwa ni kusifu. Yeremiah kwa ushindi  alitangaza , Mwimbie Bwana,Bwana Asifiwe.

Haijalishi nini unapitia sasa,endelea kumsifu Mungu.Paulo na Sila ni mfano wa watu walioendelea kumsifu Mungu wakiwa katika mazingira magumu gerezani.Watu wengi tukiwa katika matatizo,adha, au mateso fulani tunakuwa kama wana waisraeli walio kataa kumwimbia Bwana katika Nchi ya Ugeni.

Zaburi 137:1-4

Kando ya mito ya Babeli ndiko tulikoketi, Tukalia tulipoikumbuka Sayuni. Katika miti iliyo katikati yake Tulivitundika vinubi vyetu. Maana huko waliotuchukua mateka Walitaka tuwaimbie; Na waliotuonea walitaka furaha; Tuimbieni baadhi ya nyimbo za Sayuni. Tuuimbeje wimbo wa Bwana Katika nchi ya ugeni?

Kuna nguvu kubwa iliyojificha nyuma ya sifa hasa wakati tumevunjika moyo.Kuna mambo makuu manne ambayo sifa huyafanya ;

1. Kusifu kuna mtambua  Mungu  kama yeye ndiye Mpaji na mtoaji wako

Sifa zinafanya akili zetu zihame kwenye hali yetu na kuzielekeza kwa Mungu.Sifa zina mpa Mungu haki ya kutawala na kumili maisha yetu  vile anavyoona Yeye inafaa.Sifa zinakubali na kukiri kwamba Mungu anajua zaidi kuhusu kile anachofanya kuliko vile sisi tunavyojua.Sifa zina kubali kwamba Mungu anaweza kuchukua mambo yote yaliyo mabaya katika maisha yetu na kutoka haya akafanya kitu kizuri.

2.Kusifu kuna fanya mpango wa Mungu kwako uwekwe wazi.

Katika Yeremia 29:11 ,tunasoma hivi; Kwa maana ninajua mipango niliyo nayo kwa ajili yenu,’’ asema BWANA. “Ni mipango ya kuwafanikisha na wala si ya kuwadhuru, ni mipango ya kuwapa tumaini katika siku zijazo.

Hili ni tamko la Mungu mwenyewe kwa watu wake.Mungu anafuma kitambaa cha maisha yetu,mara nyingi hatuoni mwisho uliokamilika.Wakati mwingine ilituweze kufikia na kuuona ule mwisho tunapitia sehemu ya ugumu.Tunapoutambua mpango wa Mungu tunauchaguzi wa aina mbili.Kuupinga na kushindana nao au kuukubali na kuukumbatia.

3.Kusifu kuna ipokea hali iliyopo sasa kama sehemu ya mapenzi ya Mungu kwetu.

Sifa zina msingi katika kupokea kwa kikamilifu na kwa furaha  hali ya sasa kama ni sehemu ya Upendo wa Mungu  kwetu na mapenzi yake kamili kwetu.Sifa hazitegemei nini tunafikiri au tunatumaini kitatokea huko mbeleni.Tunamsifu Mungu,sio kwa kile tunachotarajia kitatokea kwetu,bali tunamsifu Yeye kwa Vile alivyo na  kwa pale na namna tulivyo sasa.

4. Kusifu kunaachilia nguvu za Mungu kutembea katika maisha yetu.

Maombi yanafungua malngo kwa nguvu za Mungu kutembea katika maisha yetu.Lakini maombi ya sifa yanaachilia zaidi nguvu za Mungu kuliko aina yoyote ya maombi ya dua.Mungu anakaa na anaishi na kufanya makao katika sifa za watu wake,Mtunga Zaburi anaandika hivi,

Zaburi 22:3

Na Wewe U Mtakatifu, Uketiye juu ya sifa za Israeli. 

Nguvu za Mungu  na  uwepo wa Mungu upo karibu pale tunapo msifu yeye.Wakati  tunapo msimu Mungu  kwa hali iliyopo kama ni sehemu ya mpango wa Mungu,nguvu za Mungu huwa zinaachiliwa,Nguvu ya Mungu hii haiwezi kuletwa kwa sisi kuwa na mtazamo mbaya au kuamuliwa na juhudi zetu binafsi,lakini ni kwa Mungu kutenda kazi katika maisha yetu.

Mara nyingi tunapokuwa tumekata tamaa huwa hatujisikia kumtukuza Mungu, tunahisi kama hayupo karibu nasi na ametuacha pekee yetu. Mungu yupo haijalishi unasijikiaje.Kiwango cha kina sana cha kuabudu  ni kumsifu Mungu hata katika wakati maumivu yako makali sana.

Mungu siku zote yupo hata pale tunapokuwa hatuna habari naye,na uwepo wake ni wa ajabu mno hauwezi kupimwa na hisia zetu.Hivyo Tuendelee kumshukuru Mungu hata wakati wa kukata tamaa na kuvunjwa moyo, tuendelee kumwamini  tunapojaribiwa na kujisalimisha huku tunaumia  na kuendelea kumpenda hata pale anapoonekana kuwa  Yu mbali nasi.

Meinrald A. Mtitu

Light of Hope Teaching Ministries