NGUVU YA KUZIKABILI DHORUBA KAMA TAI

NGUVU YA  Kuzikabili dhoruba 

KAMA TAI

“Washindi katika maisha  ni wale  watu wanao zikabili changamato  wanazao kutana nazo bila kukata tamaa  na kuzigeuza ngazi yao ya kuwapandisha  juu zaidi katika kilele cha mafanikio”

Sifa moja wapo ya tai ni kuwa uwezo mkubwa wa kukabiliana na dhoruba kali angani. Kwa mujibu wa kitabu cha Mithali,Katika vitu vya kushangaza ni pamoja na mwendo wa tai anga. 

Mithali 30:18-NIV- ‘‘Kuna vitu vitatu vinavyonishangaza sana, naam, vinne nisivyo vielewa: Ni mwendo wa tai katika anga, …”

Tai haikimbii dhoruba ,bali hufurahia dhoruba,ni wakati wa dhoruba kali kabisa ndipo tai anafikia mruko wa juu kabisa,anakabiliana uso kwa uso na dhoruba kali ya upepo na mkondo unamchukua juu hadi juu zaidi.

“Tai ana nguvu ya kukabili dhoruba na upepo mkali  angani tofauti na ndege wengine”

Tai anaruka kufikia mruko wa ft 15,000 kutoka usawa wa bahari, anaweza kwenda kwa mwendo kasi wa kilomita 15-20 kwa saa. Tofauti na ndege wangine,tai anapenda dhoruba anaweza kuihisi hata kabla hajaiona. Wakati ndege wengine wanakimbia na kujificha tai anaruka kufuata dhoruba kwa kutumia mkondo wa hewa kupaa juu na kuruka juu.

Mawingu yakijikusanya tai wana furahia,wana tumia dhoruba  kufikia mahali pa juu ambapo hawawezi kufika.Mara wanapo upata upepo wa dhoruba hawatumii nguvu kupiga mbawa tena bali wana tumia msukumo wa dhoruba inayowapiga kuranda randa katika mawingu hii inawapa fursa ya kupumzisha mbawa zao.

Tabia nyingine ya kipekee ya tai ni kufundisha makinda yake na kuyajaribu kabla ya kuyaamini kuruka yenyewe. Hili ni zoezi gumu lenye maumivu kwa makinda ya tai,lakini ndilo huwatayarisha kwa hatima ya maisha yao yote.Tai jike hukirusha toka mwambani kiota alichoangulia na kuwabeba tai makinda  katika mabawa .Wakiwa angani hugeuka na kuwa mwaga chini  nao hujitahidi kuruka.

Tai dume huangalia zoezi lote akiona kuna kinda hawezi kuruka,  yeye ghafla  huruka kwa kasi ya hadi  Kilomita 100 kwa saa (kmph) na kuwaahi kumdaka  yule kinda kabla hajaanguka ardhini au kwenye mwamba.Zoezi hilo huendelea kama mara 7-8 hivi,hatimaye tai wanaweza kuanza kupiga mabawa na kuruka wenyewe kwa kasi ya ajabu, yote wanayopitia ni kwaajili ya kuwaanda na maisha mapya ya kujitegemea ambayo watakumbana na dhoruba za kila aina za angani.

Kuzikabili Dhoruba za Matatizo    Katika Maisha.

Maisha yetu ya kila siku yamejaa majaribu ,magumu,misukosuko na changamoto nyingi. Ni wale wanajua kuzikabili dhoruba za maisha na siyo kuzikimbia ndio wanao ruka juu sana na kufanikiwa.Maisha ya kiroho na kimwili yamejaa misukosuko mingi ukiitumia vizuri ndiyo itakayo kuimarisha na kukufanya  kupaa juu sana kama tai. Mungu anatutaka tuwe kama tai ambao ambao tutajifunza nidhamu ya wakati wa kujaribiwa.

Katika dhoruba zote Mungu ameahidi kutubeba kama Tai anavyowa beba watoto wake angani.

KUTOKA 19:4;-

Ninyi wenyewe mmeona nililofanya huko Misri, jinsi nilivyowabeba kwenye mbawa za tai na kuwaleta kwangu.

Kanuni Za Nane (8) Jinsi Ya  Kuyakabili     Matatizo

Kuna kanuni za  kuzifahamu kuhusu dhoruba za matatizo mbalimbali  utakazo kabiliana nazo katika maisha yako.

1.      MATATIZO NI SHULE YA  KUTUANDAA KWENDA KWENYE MAFANIKIO.                                     

a)      Mungu hutumia matatizo kutufundisha na kutuandaa.

                             

Kama tai ambavyo huwafundisha makinda wake kuruka na hatimaye kuaminiwa ,Mungu naye hutufundisha sisi watoto wake  kwa kuruhusu shida,taabu na dhiki na matatizo katika maisha yetu kwa kitambo.Kupitia dhoruba za matatizo Mungu hutufundisha na kutuandaa kama vile tai apitavyo hatua ya kuandaliwa kabla ya kuruka mwenyewe juu sana.Kabla ya Mungu kutuamini na kutuachia kuruka kwenye mafanikio makubwa hutufundisha na kutujaribu kwanza kwa njia mbalimbali.

b)     Kupita matatizo tunakuwa washindi na kufanikiwa

Kila anayetaka kufika juu sana ni lazima akubali mchakato huu wa kupitia katika dhoruba.Kupitia majaribu Mungu anatufundisha kuwa washindi na zaidi ya washindi,tukubali kufundishwa na kutayarishwa kwaajili ya makusudi yake makuu aliyo nayo na maisha yetu.Paulo Mtume anazungumza kuhusu jambo hili katika Warumi 8:30-32.

c)      Mungu huwa nasi katika kujaribiwa kwetu

Kama vile ambavyo  tai dume huwepo karibu na kufuatilia kinda la tai linaporuka na kuhakikisha hakuna madhara yatatokea ndivyo ambavyo Mungu huwa nasi katika kujaribiwa kwetu.Unapoanza kuruka dhoruba huitaji kuogopa kwa sababu Mungu yupo  siku zote karibu  nawe.

Mateso ya mwenye haki ni mengi, Lakini Bwana humponya nayo yote. (Zaburi 34:19)

Mateso na Magumu yanapokuja kwetu tukumbuke ni Mungu anatufundisha kuruka anataka tutumie mbawa zetu .Mungu atakuja kutuokoa hata ruhusu kamwe tubamizwe chini,tusilalamike wakati wa magumu,kwani tunajifunza kuruka

2.      MATATIZO HUTUINUA JUU KWENYE MAFANIKIO TUNAYOYATAKA

a)      Matatizo yaleyale yanayo tukabili ndio hutumika kutuinua juu kwenye mafanikio na makusudi makuu.

Dhoruba ile ile inayotupiga ndio hutuinua juu zaidi katika mafanikio.Tai hawezi kuruka juu bila dhoruba,shida taabu na upepo mkali ndivyo vinavyo  mwinua juu.

Mara nyingi ni dhoruba ile ile inayoonekana kutupiga huku na kule ikitaka kutuharibu kabisa ndiyo inayotumika kutuinua juu  sana katika makusudi ya Mungu. Kama vile ambavyo upepo makali huyapiga mabawa ya tai na kumwinua juu ya dhoruba ndivyo ambavyo majaribu na magumu ya maisha hutuinua juu sana katika mafanikio.

b)      Matatizo yanapaswa kutupa nguvu na kutuimarisha zaidi kuliko kutudhoofisha.

Tai hupokea nguvu kutoka kwenye dhoruba.Kadiri tai anavyo paa juu zaidi,ndivyo anavyoweza kuruka juu zaidi. Unapokutana na dhoruba ya upinzani hupaswi kuteteleka, bakia imara na thabiti kama tai.Usiruhusu dhoruba hii kukuzia kufikia malengo yako uliyo jiwekea.Endelea na safari ya kupaa kama tai,paa juu zaidi na zaidi.Wakati  dhoruba za maisha zinatupiga zikabili uso kwa uso kama tai afanyavyo,kaa katika dhoruba na ujifunze kuruka juu kwa hiyo.

Unapokutana na dhoruba ya upinzani hupaswi kuteteleka, bakia imara na thabiti kama tai.

Pale unapo hisia ya kwamba umefanya kila unachoweza kuizuia na kupingana na dhoruba yako,wewe endele tu kupaa,tandaza mbawa zako kama tai na pokea mshindo toka kwa dhoruba.Utapata nguvu kadiri ya upepo unavyo kuinua juu na juu zaidi,endelea kupaa juu ya dhoruba kali inayokupiga ukiwa umedhamiria kufikia hatima yako.Wakati unathubutu kupaa juu ya mawingu ya maisha ,watu wengine wanaweza wasikuelewe,wanaweza kuhukumu bila sababu, bila kufikiria lakini wewe endelea kupaa juu kama tai.

3.      MATATIZO HAYAKIMBIWI  YANAKABILIWA

                            

a)      Usiyakimbie matatizo bali uyakabili.

Kamwe usiikimbie dhoruba,ikabili. Tai anajua jinsi ya kuikabili dhoruba.Wanyama wengine wote  hukimbia dhoruba inapokuja lakini sio tai. Mtu mwenye nguvu kama za tai lazima aipende dhoruba na asipingane na kukinzana nayo kama wengine wafanyavyo.

Wakati ndege wengine wana kimbia dhoruba inapokaribia na kuficha mabwa zao na kukimbilia mafichoni ,Tai huikabili dhoruba uso kwa uso.Uwe kama tai fumbua mbawa zako na jiandaee kupaa juu sana.

Mtu mwenye nguvu kama za tai lazima aipende dhoruba na asipingane na kukinzana nayo kama wengine wafanyavyo.

Mara tunapogundua kuwa  hakuna anayeweza kutoroka dhoruba za maisha,mtu mwingine  anaweza kutumia dhoruba kuaamsha imani yake huwezi kuzia dhoruba lakini kama tai unaweza kuitumia hiyo hiyo dhoruba kuruka juu sana.

b)      Watu dhaifu hukimbia matatizo watu hali watu wenye nguvu huyastahimili.

Dhoruba inapopiga tunaweza kukunjua mbawa zetu na kukimbia kujificha au tunaweza kumuiga  tai na kupaa juu ya dhoruba. Lazima tuwe na nguvu na ujasiri wa lazima kukabili tufani za maisha. Tunapo kimbia kutoka kwenye dhoruba za maisha na kutia juhudi kuzitoroka ;tuna kuwa na mtazamo wa kikawaida kama wa ndege wengine.

Huwezi kuzuia mafuriko lakini unaweza kujifunza kutengeneza     mtumbwi na kuogelea nao katika mafuriko.

Lakini tunapozikabili  dhoruba tunakuwa na mtazamo wa kitai,basi tunapaa na kuruka kama tai. Watu dhaifu wasio na nguvu wana tabia ya kukimbia changamoto wanazokutana nazo katika maisha. Ukitaka kuingia katika vitabu vya historia ya watu walioshindwa ni rahisi tu,kimbia dhoruba za maisha.

c)      Ni vigumu kufanikiwa katika maisha kama utayakimbia matatizo.

Katika safari ya maisha huwezi kufanikiwa kama unakimbia majaribu na ugumu unakutana nao.Watu dhaifu hulia na kupiga kelele na kulalamika na kulaumu juu ya ugumu wakati watu wenye  nguvu za tai husonga mbele. Watu wenye mtazamo na nguvu  za tai ,hugeuza majaribu kwa faida yao,huona faida katikati ya majaribu. Wakati upepo wa nguvu una piga maisha yetu,hatupaswi kuukimbia,tusije anguka katika mianya ya maisha.

Watu dhaifu hulia na kupiga kelele na kulalamika na kulaumu juu ya ugumu wakati watu wenye  nguvu za tai husonga mbele.

Kama tai  ni lazima tujifunze kuzikabili dhoruba zetu.Lazima tupae na upepo makali unaotupiga katika maisha kwa mbawa za maombi na imani.Hii itatupa ujasiri wa kuzikabili dhoruba. Kaa katika dhoruba na jifunze kuruka nayo kama Tai,maana ni dhoruba hiyo hiyo inayoonekana kukupigika na kukuteketeza ndiyo itakayo kuinua juu sana katika Makusudi ya Mungu.

4.      MATATIZO NI SEHEMU YA MAISHA HAYA KWEPEKI

a)      Matatizo ndiyo huyapa maisha maana.

Mara nyingi baada ya dhoruba fulani iliyotukumba kupita, huwa hatubaki katika viwango vilevile tulivyo kuwa navyo. Dhoruba ,yaani majaribu hutuongezea uzoefu wetu wa maisha,dhoruba hutuongezea ukomavu wetu. Wakati dhoruba za maisha zinavuma zikabili uso kwa uso.!

b)     Matatizo huja bila kutarajia.

Hakuna anayeyatarajia matatizo.Mara nyingi dhoruba huja bila sisi kuzitarajia na hivyo hutukuta hatujajiandaa,dhoruba huja kwa kasi kwa fujo na kuondoka ghafla. Ndivyo ilivyo dhoruba zinapovuma katika maisha yetu huwa hatuzitarajii.

c)      Hakuna mtu mwenye kinga ya matatizo.

Dhoruba za maisha zinaweza kumpiga mtu yeyote,wakati wowote na wakati wowote bila taarifa ya awali ya tahadhari. Dhoruba za maisha hazikwepeke kila mtu  atapitia katika dhoruba fulani wakati fulani. Kuna wakati mawingi meusi yatatanda na upepo mkali utayapiga maisha yetu, lakini ni lazima tubakie katika kusudi letu na kupaa juu ya dhoruba. Hakuna pa kukimbilia kutoka kwenye dhoruba za maisha bali ni lazima tusikubali  kuruhusu upepo mkali kutuzuia  kuziona siku zuri  zijazo za jua.

d)     Shetani na watu wanaweza kutumika kutuletea matatizo.

Tunapaswa kupigana na adui siyo dhoruba, dhoruba siyo adui yetu,usisumbuke kutafuta dhoruba imetokea wapi. Mungu ameiruhusu na anaweza kumtumia yeyote yule kuleta dhoruba katika maisha yetu.Shetani ,mazingira na wanadamu wanaweza kutumika. Dhoruba huja kwa njia nyingi, kwa wengine kupitia ugonjwa, au maafa, kushindwa, kifo, kukatishwa tamaa na maisha ,kufeli n.k.dhoruba za maisha ni halisi! 

5.      MATATIZO HUWA NI YA KITAMBO NA   SIO YA KUDUMU                                       

a)      Matatizo yote hudumu kwa kitambo fulani.

Kila majanga ni ya kitambo tu,kila dhoruba na tufani hatimaye hupita,kila usiku hatimaye  hugeuka kuwa Asubuhi mpya. Chagua kuvumilia na kung’ang’ania hapo mpaka uone mapambazuko ya Asubuhi yako!

b)     Usipoteze Ndoto zako kwaajili ya matatizo ya kitambo

Haijalishi dhoruba ni kali kiasi gani, baki umekaza kuziangalia ndoto zako na shauku zao.Ziache ndoto zako zibaki hai, Nimapema mno kuizika ndoto yako,bado inaweza kuishi!

c)      Usipoteza fokasi  na malengo yako kwaajili ya matatizo ya kitambo.

Thubutu kudhamiri hatima yako na kufungua uwezo wako mkuu uliofichika. Thubutu kutabasamu mbele ya magumu, baki na fokasi katika malengo yako, uwe tayari kwa dhoruba kama tai.

d)     Kataa kujihesabu umeshindwa kwasababu ya matatizo unayopitia.

Kama tai, bakia thabiti usiyeondoshwa. Kataa kushindwa, Paa juu ya mawingu ya maisha,thubutu kuinuka juu ya dhoruba yako.Dhoruba zote hatimaye hukoma,achilia kushindwa mkononi mwako kama vile umeshika makaa ya moto! Amua thamani yako binafsi weka malengo na yageuze kuwa uhalisia.

e)      Katika kila matatizo kuna mlango wa kutokea.

Katika kila Jaribu Bwana hufanya mlango wa Kutokea .Msikie vile Paulo Mtume anavyosema ,“Jaribu halikuwapata ninyi, isipokuwa lililo kawaida ya wanadamu; ila Mungu ni mwaminifu; ambaye hatawaacha mjaribiwe kupita mwezavyo; lakini pamoja na lile jaribu atafanya na mlango wa kutokea, ili mweze kustahimili.” (I Wakoritho 13:10).

 hata kama unakabiliana na dhoruba kali katika kazi yako, ndoa au familia yako hebu usikimbie bali chukua mtazamo na fikra za tai.

Pst.Meinrald A.Mtitu.